Primavera
Tematiche
Di seguito alcune poesie in tema con la Primavera
TE SI’ NATO
No te guarda nissun,
la nebia l’à ricamà un vel
darente al to stel.
Te sì spuntà
picolo fior de Primavera
e ‘na sbrancà de giovinezza
l’è nata
nel giardin de casa mia.
Un bocolo orgoglioso
de Narciso
gialo come el sol d’ Istà
che el veludo del pra’ el colora
con riflessi de speranza.
E quando la malinconia
la so altalena la fà dondolar
mi verzo la finestra e,
col penel de l’arcobaleno,
pituro de sogni la nostalgia.
Graziella
la nebia l’à ricamà un vel
darente al to stel.
Te sì spuntà
picolo fior de Primavera
e ‘na sbrancà de giovinezza
l’è nata
nel giardin de casa mia.
Un bocolo orgoglioso
de Narciso
gialo come el sol d’ Istà
che el veludo del pra’ el colora
con riflessi de speranza.
E quando la malinconia
la so altalena la fà dondolar
mi verzo la finestra e,
col penel de l’arcobaleno,
pituro de sogni la nostalgia.
Graziella
PRIMAVERA
Se spampinava ne l'aria
el profumo de le viole
e Cupido el zercava
vìtime de amor
fra cori vestìi de primavera.
E noaltri du a scoltar
sul baticor del tempo
la canzon de la vita
sfojando i primi buti de amor
inscartozè nel silenzio.
Abandonè
a la careza del tramonto
le nostre mane le tremava
e nel strucon ingenuo
i labri zóeni
al primo baso inzerto
se postava.
Se perdéa
ai primi sospiri de luna
goze trasparenti de sogni
par desfare pianin
nel sgrisolon lezero
de la sera.
Nadia da "el Capelin de Paja"
el profumo de le viole
e Cupido el zercava
vìtime de amor
fra cori vestìi de primavera.
E noaltri du a scoltar
sul baticor del tempo
la canzon de la vita
sfojando i primi buti de amor
inscartozè nel silenzio.
Abandonè
a la careza del tramonto
le nostre mane le tremava
e nel strucon ingenuo
i labri zóeni
al primo baso inzerto
se postava.
Se perdéa
ai primi sospiri de luna
goze trasparenti de sogni
par desfare pianin
nel sgrisolon lezero
de la sera.
Nadia da "el Capelin de Paja"
CON POCHI SCHEI
Con tri euro
ò comprà i colori.
Un vaso de violete
che le te incanta
ne la so modestia.
’Na bavesela de ventesel
la se gode a farle mòar:
le par tante farfaline in festa.
I é colorè de bianco
cossita molesine che te ghè paura
de roinarle.
Ghè el gialo
’na ponta de sol
piturà sul fior.
Ghè el color arancio
che con forza el ciama l’atenzion.
Ghè el celeste
rubà a i oci
de un butin che sogna.
Ghè el viola col blu
che el te riporta butina
in mezo al prà.
Con tri euro
ò comprà i colori
ma anca do fregole de felicità.
Maria Teresa
ò comprà i colori.
Un vaso de violete
che le te incanta
ne la so modestia.
’Na bavesela de ventesel
la se gode a farle mòar:
le par tante farfaline in festa.
I é colorè de bianco
cossita molesine che te ghè paura
de roinarle.
Ghè el gialo
’na ponta de sol
piturà sul fior.
Ghè el color arancio
che con forza el ciama l’atenzion.
Ghè el celeste
rubà a i oci
de un butin che sogna.
Ghè el viola col blu
che el te riporta butina
in mezo al prà.
Con tri euro
ò comprà i colori
ma anca do fregole de felicità.
Maria Teresa
EFFIMERA
Ti pensavo una foglia
poi d’improvviso
in un fremito d’ali
dipinto e sottile
hai preso a volare nel
fruscio dell’aria
spalancata verso il cielo.
Avvolta nel velo leggero
del tuo costume
dai colori
del regno sconfinato
tra terra e cielo,
volteggiavi leggera
sullo specchio incuriosito
del fiume.
Nel sospiro di un giorno
se ne è andata
la tua vita,
ma è bastata per essere
testimone,
anche se inconsapevole,
di un giorno d’amore.
Eleonora
poi d’improvviso
in un fremito d’ali
dipinto e sottile
hai preso a volare nel
fruscio dell’aria
spalancata verso il cielo.
Avvolta nel velo leggero
del tuo costume
dai colori
del regno sconfinato
tra terra e cielo,
volteggiavi leggera
sullo specchio incuriosito
del fiume.
Nel sospiro di un giorno
se ne è andata
la tua vita,
ma è bastata per essere
testimone,
anche se inconsapevole,
di un giorno d’amore.
Eleonora
STRIÒSSO VENTESEL
Zo dal monte ‘l cala rugolando
un tondo ventesel de timonéla,
pa’ scarossar un frabalà de nugole
e scrabociar el cél de fantasìa
Un ventesel rufìan, che l’èrba el basa
e so ‘l canal l’ingrespa rìssi arsénto
e po ‘l se spande, ala de mantélo,
a sgarufar le sime de ‘l boschéto
Un ventesel birbante, che da l’ àldaro
el rancura somensa imparfumà,
pa’ spampinar ‘na bocàda de borésso
so i cópi grisi, so ‘l moro de i camin
El sventola, indiaolà, so la campagna
sto striòsso ventesel de primaèra,
par desbroiar dal tabaro de l’inverno
e supiar ia el calusene da ‘l cor.
MariaRosa
un tondo ventesel de timonéla,
pa’ scarossar un frabalà de nugole
e scrabociar el cél de fantasìa
Un ventesel rufìan, che l’èrba el basa
e so ‘l canal l’ingrespa rìssi arsénto
e po ‘l se spande, ala de mantélo,
a sgarufar le sime de ‘l boschéto
Un ventesel birbante, che da l’ àldaro
el rancura somensa imparfumà,
pa’ spampinar ‘na bocàda de borésso
so i cópi grisi, so ‘l moro de i camin
El sventola, indiaolà, so la campagna
sto striòsso ventesel de primaèra,
par desbroiar dal tabaro de l’inverno
e supiar ia el calusene da ‘l cor.
MariaRosa